Leon Dajaku është larguar nga Sunderland dhe karrierën do ta vazhdoj në Kroaci me fanellën e gjigantit kroat Hajduk Split.
Sulmuesi kosovar ishte pjesë e Sunderlandit, por gjashtë muajt e fundit i kaloi si i huazuar te skuadra zvicerane St Gallen.
22-vjeçari ka nënshkruar kontratë katër vjeçare me Hajdukun, por detajet e transferimit nuk janë bërë publike nga asnjëra skuadër.
Ish-anëtari i Stuttgart, Bayern Munich dhe Union Berlin e sheh si një hap të madh në karrierën e tij kalimin te Hajduku i Splitit.
“Është e mrekullueshme të jesh këtu, një përshtypje e parë e shkëlqyer për klubin dhe qytetin. Unë jam një lojtar i ri me shumë zjarr në vete, që e do futbollin dhe të luajë për klube të mëdha”.
“Fillova të luaj në Gjermani, hapat e parë të mëdhenj ishin në Stuttgart dhe Bayern, më pas shkova në Angli ku luajta për Sunderland. E gjithë kjo më ndihmoi të fitoja përvojë, herë ishte më mirë, herë më keq, por tani jam shumë më i pjekur pasi kam kaluar nëpër klubet e përmendura”.
Dajaku ka thënë se ka shumë miq në Kroaci, derisa reprezentuesit kosovar Emir Sahitit i është referuar se bashkëkombës edhe pse Dajaku nuk ka pranuar të luaj për Kosovën.
“Unë kam shumë miq në Kroaci, di shumë për Hajdukun, tifozët e tij dhe jam shumë i lumtur që jam këtu. Tashmë e njoh Sahitin që është nga vendi im, di për Livajën që ka luajtur për kombëtaren kroate”.
Reklama
“Jam i lumtur për ardhjen në Hajduk, do të jap maksimumin në fushë dhe shpresoj që të gjithë të kemi një sezon të mrekullueshëm së bashku”, ka deklaruar Dajaku.
