De Gea nuk ka pritur asnjë nga 40 penalltitë e fundit

De Gea nuk ka pritur asnjë nga 40 penalltitë e fundit

David de Gea, portieri i Manchester United, u bë protagonisti për të keq në finalen e Ligës së Evropës, kundër Villarrealit.



‘Nëndetësja e verdhë’ u shpall kampione e kësaj gare, pasi portieri spanjoll humbi penalltinë e fundit, që u prit nga portieri kundërshtar Rulli.

Përveç kësaj, portieri i ‘Djajve të kuq’ nuk mund të priste asnjë nga penalltitë e gjuajtura nga lojtarët e klubit spanjoll.

Statistikat e De Gea për pritjen e penalltive nuk janë aspak të mira. Ai nuk ka pritur asnjë nga 40 të penalltitë e fundit.

Portieri i Manchester United nuk ka pritur asnjë penallti për pesë vjet, ku e fundit ishte kundër Evertonit në finalen e FA Cup në vitin 2016.

Prandaj, Ole Gunnar Solskjaer, trajneri i Manchester United, e pranoi se e ka menduar zëvendësimin e De Geas para gjuajtjes së penalltive, me portierin tjetër Dean Henderson.

Ishte një ide që ai e kishte në kokë para dhe gjatë takimit, por duke e para paraqitjen e tij gjatë ndeshjes vendosi ta mbajë në portë spanjollin.

“Sigurisht, ju kaloni nëpër të gjithë skenarët dhe edhe kjo më kaloi në mendje gjatë përgatitjes së ndeshjes, por ne i besuam Davidit dhe ishim të përgatitur”.

“Gjithçka mund të ndodhë në gjuajtjet e penalltive. Unë qëndrova me portierin që luajti tërë ndeshjen”, ka thënë De Gean.

Related Articles