Juventus duket se ka më shumë gjasa të startojë me Paulo Dybalan, Giorgio Chiellinin dhe Rodrigo Bentancur këtë mbrëmje, ndërsa Inter luan një formacion të plotë.
Ndeshja që fillon në ora 18:00, do të luhet në kuadër të javës së 37-të në Serie A, në ‘Allianz Stadium’.
Biankonerët kanë nevojë për një fitore për të mbajtur gjallë shpresat e tyre për një vend në top katër, ndërsa Antonio Conte do të shkojë te ish-skuadra e tij si kampion dhe si njeriu që e ndali ecurinë e tyre prej nëntë titujsh radhazi në ligë.
Andrea Pirlo pritet të bëjë katër ndryshime nga skuadra që mundi Sassuolon 3-1 në udhëtim të mërkurën në mbrëmje, duke përfshirë kthimin e Wojciech Szczesny për të zëvendësuar Gigi Buffon në portë, pavarësisht nga fakti se veterani priti penalltinë e Domenico Berardit.
Chiellini duhet të futet në vend të Leonardo Bonuccit, me Bentancur që pritet të fillojë para Arthur Melos në mesfushë.
Dybala është favoriti për partnerin Cristiano Ronaldo, duke lënë fillimisht Alvaro Morata në bankën rezervë.
Interit i mungojnë Alexis Sanchez, Arturo Vidal dhe Aleksandar Kolarov, por ka pak dyshime për Conte, i cili do të fusë formacionin e tij ideal pasi pushoi lojtarët gjatë dy javëve të fundit.
