Të shtëna me armë zjarri janë dëgjuar pak minuta më parë te banesat e bardha në lagjen Bregu i Diellit në Prishtinë. Sipas informacioneve të para, është gjuajtur me kallashnikov dhe akoma nuk dihet se a ka të lënduar.
Një banor në atë zonë ka rrëfyer për Sinjalin se kanë dëgjuar “minimum 10 herë të shtëna” duke e trazuar gjithë lagjen. Sipas tij, dyshohet se ka pasur një konfrontim në mes dy grupeve.
Sinjali mëson se Policia tashmë ka bastisur një lokal dhe s’dihen detajet e tjera.
