Takimi ndërmjet Drejtorit të Përgjithshëm të Policisë së Kosovës, Kolonel Gazmend Hoxha, dhe Zëvendëskomandantit të KFOR-it, Brigadier General Cahit Irican, tregon angazhimin e dy institucioneve kyçe në ruajtjen e sigurisë dhe stabilitetit në Kosovë.
Diskutimet e tyre u fokusuan jo vetëm në situatën aktuale të sigurisë, por edhe në forcimin e bashkëpunimit reciprok mes Policisë së Kosovës dhe KFOR-it, si dhe në rëndësinë e koordinimit të vazhdueshëm për të siguruar një ambient të qetë dhe të sigurt për të gjithë qytetarët e Kosovës, pa dallim, shkruan Gazeta Enigma.
Në këtë kontekst, mesazhi i Policisë së Kosovës përmes njoftimit në Facebook thekson se institucioni do të vazhdojë të punojë ngushtë me KFOR-in dhe partnerët ndërkombëtarë për të ruajtur paqen dhe sigurinë në vend.
Ky bashkëpunim është kyç për menaxhimin e situatave të ndjeshme dhe për parandalimin e tensioneve, duke siguruar që çdo qytetar të ndihet i sigurt dhe i mbrojtur.
Bashkëpunimi mes KFOR-it dhe Policisë së Kosovës është esencial për stabilitetin e rajonit, veçanërisht pas zhvillimeve të fundit që mund të kërkojnë mbështetje ndërkombëtare për ruajtjen e paqes dhe rendit. Kjo bashkëpunim i fortë është një element i rëndësishëm për promovimin e sigurisë dhe stabilitetit afatgjatë në Kosovë./GazetaEnigma/
