Drita dhe Ballkani janë kualifikuar në çerekfinale të Kupës së Kosovës, falë fitores ndaj Fushë Kosovës, respektivisht Malishevës.
Drita e mposhti thellë 0-5 skuadrën e Fushë Kosovës në ndeshjen e luajtur në Prishtinë.
Arbnor Muja me dy gola, Ardian Cuculi, Simonovski e Jashari me nga një e “vulosën” triumfin e “bardhekaltërve” ndaj ekipit që bën gara në Ligën e Parë të Kosovës.
Në ndërkohë, fitore ka arritur edhe Ballkani në duelin tjetër, por me mjaftë vështirësi përballë Malishevës. Golin e vetëm në këtë ndeshje e realizoi Albion Rrahmani.
Njëherit, këto ishin ndeshjet e para për dy skuadrat që synojnë titullin në stinorin pranveror.
/GAZETA ENIGMA/
