Janë zhvilluar dy ndeshje sot në Superligë, në kuadër të xhiros 26-ët. Feronikeli priti skuadrën gjilanase Dritën, e Prishtina i shkoi musafir Malishevës.
Drita ka vazhduar me “çimentimin” e pozitës së parë në tabelë, duke mposhtur Feronikelin me rezultat minimal 1-0.
I vetmi që shënoi ishte Arb Manaj, në fund të pjesë së parë.
Ndërkohë, Prishtina është turpëruar nga një humbje ndaj Malishevës, po ashtu me rezultat minimal 1-0.
Goli u shënua qysh në minutën e dytë, nga Donart Vitija.
Drita vazhdon si lidere në tabelë. Malisheva është në vendin e tretë me 44 pikë. Prishtina në vendin e katërt me 35 pikë, ndërsa Feronikeli në vendin e fundit, me 14 pikë. /Gazeta Enigma