Dy persona, drejtues të motoçikletave, njëra e kompanisë Wolt kanë pësuar lëndime në një aksident trafiku që ka ndodhur në orët e pasites në Prishtinë, në kryqëzimin e rrugëve “Fehmi Lladrovci” e “Agim Ramadani”.
Lajmin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
“Sot rreth orës 17:00, në kryqëzimin e rrugëve Fehmi Lladrovci-Agim Ramadani ka ndodhur nje aksident trafiku ku kanë qenë të përfshira dy motoçikleta dhe një automjet. Si pasojë e aksidentit lëndime trupore kanë pësuar dy vozitësit e motoçikletave të cilët janë dërguar për tretman mjekësor në QKUK. Me rastin merret njësiti i trafikut të Kryeqytetit.”, ka thënë Ahmeti.
