Dy persona janë shpallur në kërkim pasi kanë arritur t’i vjedhin makinën një qytetari duke u prezantuar si punonjës policie.
Ngjarja është shënuar në rrugën “Llazi Miho” të Tiranës.
Policia ka arritur të identifikojë njërin dhe e ka shpallur në kërkim ndërsa po punohet për identifikimin e tjetrit.
“Më datë 04.11.2021, u referuan materialet në Prokurorinë pranë Gjykatës së Shkallës së Parë Tiranë dhe punohet për kapjen e shtetasit Y. B, 35-vjeç, sepse më datë 03.11.2021, në rrugën ‘Llazi Miho’, në bashkëpunim me persona të tjerë (punohet për identifikimin e tyre), duke u prezantuar si punonjës policie, i kanë marrë çelësin e mjetit shtetasve M. C. dhe G. C. (vëllezër) dhe më pas janë larguar bashkë me mjetin. Po punohet për kapjen e tij dhe sqarimin e plotë të ngjarjes”, thuhet në njoftimin e policisë.
/Gazeta Enigma/
