Rasti i përdhunimit të një të miture shqiptare nga babai i saj ka shkaktuar tronditje në Greqi. Ngjarja e rëndë, ka ndodhur në Asoss dhe familja shqiptare ishte e përbërë nga katër persona, dy prindërit dhe fëmijët.
Mediet greke kanë shkruar se e mitura 17-vjeçare, e shoqëruar nga nëna e saj shkoi në komisariatin e policisë në Vrachati dhe e denoncoi babain e saj i cili kishte abuzuar seksualisht me të që kur ajo ishte 12 vjeç.
E mitura i tregoi policisë se çfarë kishte ndodhur në vitet e fundit dhe ata menjëherë shkuan në shtëpinë e familjes ku ndaluan 45-vjeçarin, babanë e të miturës, ka rapportuar /TCh/
Ndërkohë që e mitura do të transferohet për një vizitë mjekësore në një spital në Athinë për t’u ekzaminuar, ndërsa djali më i vogël i familjes është marrë nga shërbimet sociale.
Raportohet se kohët e fundit 45-vjeçari ka qenë i papunë, ndërsa në familje ishte nëna e vetmja që punonte. Tanimë 45-vjeçari është arrestuar dhe po mbahet në Stacionin e Policisë Vrachati.
