Kandidati për kryetar të komunës së Prishtinës nga radhët e AAK-së, Daut Haradinaj, ka treguar që garës për Prishtinën, sot ju bashkua edhe Milaim Vitia.
Milaim Vitia, njihet si aktivist i dalluar në shoqëri, pjesëmarrës në shumë procese për çështjen kombëtare, është kryetar i shoqatës së peshkatarëve, e cila numëron rreth 500 anëtarë, dhe po ashtu kryetar i shoqatës së gjuetarëve “Gollaku”.
“Në garën tonë për Prishtinën na bashkohet edhe Milaim Vitia.
Vitia vjen nga Hajvalia dhe është po ashtu një aktivist i dalluar në shoqëri. Pjesëmarrës në shumë procese për çështjen kombëtare.
Ai është kryetar i shoqatës së peshkatarëve, e cila numëron rreth 500 anëtarë, dhe po ashtu kryetar i shoqatës së gjuetarëve “Gollaku”.
Tashmë kur kompletimi listës sonë për Prishtinën po afrohet dita ditës, jam shumë i lumtur që në këtë liste kemi personalitete të dëshmuara të Kryeqytetit.
Suksese Milaim e dalshim faqebardhë”, ka treguar Haradinaj.
Kujtojmë se, Vitia është familjar i afërt i kandidatit potencial për kryetar të Prishtinës nga radhët e VV-së, Arben Vitia./Gazeta Enigma/
