Flamuri i Kosovës është parë duke u valëvitur në Beograd të Serbisë, teksa aty po mbahej Kongresi i 49-të i UEFA-s.
Siç duket, shteti serb nuk kishte zgjidhje tjetër përveçse ta shikonte flamurin kosovar.
Ky Kongres po mbahet par herë të parë në kryeqytetin serb, i cili si nikoqir, duhet t’i respektojë rregullat.
E rregullat parashohin edhe vendosjen e flamujve të shteteve anëtare.
Federata e Futbollit të Kosovës po përfaqësohet atje nga kryetari Agim Ademi, i cili shihet pranë flamurit në vendin e mbajtjes se këtij Kongresi.
Kongresi i 49-të i Rregullt i UEFA-s do të zhvillohet të enjten në Beograd të Serbisë. Aty do të hartohet edhe udhëzuesi i Konfederatës më të madhe në botë që do të përcaktojë politika e zhvillimit të futbollit Evropian.
