Këtë të hënë me qindra fluturime janë anuluar në Gjermani.
Kjo pasi punonjësit e aeroporteve kanë nisur një grevë të madhe për kërkesa pagash më të larta.
Greva e sindikatave përfshin aeroportet e Hamburgut, Bremenit, Hanoverit, Berlinit, Duseldorfit, Dortmundit, Këlnit/Bonit, Leipzigut/Halle, Shtutgartit dhe Mynihut, transmeton Gazeta Enigma.
E lidhur me këtë Policia Kufitare në Aeroportin Ndërkombëtar “Adem Jashari” ka dalë me një njoftim.
“Ju njoftojmë, se për shkak të grevës së përgjithshme të punonjësve të operimeve në aeroportet e Gjermanisë, gjatë ditës së sotme, pritet të anulohen fluturimet në aeroportet gjermane, aty ku kemi linja direkte.”, thuhet në njoftimin e tyre në Facebook. /Gazeta Enigma
