Ministri i Punëve të Brendshme, Xhelal Sveçla, ka folur sot sërish në lidhje me sulmin terrorist në kanalin e ujit Ibër-Lepenci dhe aksionin e ri policor në veri.
Mirëpo ai ka befasuar me një deklaratë të tij për rastin.
”Nuk jam në ngjarje dhe detaje se çfarë është duke ndodhur. Unë e di që policia po e vazhdon punën e saj”, ka thënë Sveçla para mediave.
“Realisht, ky është sulmi më i rëndë në infrastrukturën kritike. Nëse dikush mendon se ne do ta lëmë me kaq, e ka shumë gabim. Institucionet e sigurisë dhe hetimet do të zbulojnë krejt çka ka ndodhur dhe kush e ka kryer këtë, patjetër se përgjegjësit do t’i vë para drejtësisë, kurse përgjegjësit apo urdhërdhënësit e tyre patjetër që do të marrin barrën politike”, citon Kosovapress të ketë shtuar ai tutje.
Njësitë e Policisë së Kosovës po vazhdojnë me bastisje nëpër lokacione të ndryshme.
Ai gjatë ditës qëndroi në Varagë së bashku me ministrin e Pushtetit Lokal, Elbert Krasniqi. /Gazeta Enigma
