Kreu i AAK-së, Ramush Haradinaj, thotë se rikonfirmimi i dënimit me burgim të përjetshëm ndaj Ratko Mladiq, është shpresë se drejtësia do të vendoset edhe për viktimat e masakrave në Kosovë.
“Dënimi i kriminelit serb Mlladiq nga Gjykata e Hagës, jep shpresë që drejtësia do të vendoset edhe për viktimat e masakrave në Likoshan, Qirez, Prekaz, Lybeniq, Fortesë, Rancë, Kleçkë, Shalë e Bajgorës, Qyqavicë, Gullboc, Abri e Epërme, Reçak, Rakovinë, Leshan, Reznik, Mitrovicë, Tërrnavë, Skenderaj, Kotlinë, Podujevë, Celinë, Goden, Randobravë, Krushë e Vogël, Krushë e Madhe, Tërrnje, Suharekë, Padalishtë, Landovicë, Mamushë, Dardhishtë, Gjakovë, Izbicë, Matiçan, Beleg, Dumnicë e Epërme, Llashticë, Bellanicë, Pastasel, Cercë, Nagavc, Sopi, Kralan, Prishtinë, Çupevë e Epërme, Popovë, Rezallë, Kokaj, Kaçanik, Lubizhdë e Hasit, Fshat i Vjetër, Sllovi, Lipjan, Çikatovë e Vjetër, Jeshkovë, Paklek i Vjetër, Hade, Ribar i Vogël, Devë, Bërrnicë e Epërme, Hallaq i Vogël, Makoc, Grashticë, Nakaradë, Dragaçinë, Koliq, Meje, Korenicë, Guskë, Dobrosh, Nabërxhan, Studime, Bukosh, Pejë, Korishë, Qyshk, Pavlan, Zahaq, Carrallukë, Burg i Dubravës, Tusuz, Vërbovc, Shtuticë dhe Poklek i Ri”, shkrua ai.
