Portieri i Drenicës, Kenan Haxhihamza, është shpallur më i miri i xhiros së 33-të në Superligën e Kosovës në futboll.
Haxhihamza, sipas komisionit të FFK-së, bëri pritje vendimtare në fitoren 2:1 të Drenicës ndaj Gjilanit.
“E kemi përgatitur ndeshjen shumë mirë, sidomos duke e ditur rëndësinë e saj dhe pozicionimin tonë në tabelë, duke qenë të vetëdijshëm që pikët e plota duhet të mbesin në Drenicë. Kundërshtari nuk ka qenë i lehtë, sepse në radhët e SC Gjilanit ka individë të cilët mund ta vendosin ndeshjen, megjithatë e kemi analizuar mirë për të arritur te ky rezultat”, ka theksuar Haxhihamza. / Gazeta Enigma.
