Ukrainasit që ikin nga skenat e shkatërrimit dhe masakrës në Ukrainë tashmë po intervistohen nga hetuesit në pritje të një gjyqi të ardhshëm për krimet e luftës të Vladimir Putin, së bashku me zyrtarët e tij të lartë dhe gjeneralët.
Me mbi një milion refugjatë që kalojnë kufirin, ka një bollëk dëshmish të dëshmitarëve okularë, ndërsa fluksi i pamjeve video përmes medieve sociale ka siguruar një sasi të paprecedentë provash që po i nënshtrohen analizës mjeko-ligjore.
Megjithatë, sasia e madhe e provave nuk është domosdoshmërisht një garanci për një gjyq të suksesshëm dhe hetuesit me përvojë të krimeve të luftës paralajmërojnë se ka një luftë të gjatë përpara se Putini dhe regjimi i tij të jenë në bankën e të akuzuarve, personalisht ose në mungesë.
Hetime të shumta janë nisur në të njëjtën kohë, dhe nuk është e qartë se deri në çfarë mase janë të koordinuara, nëse fare.
Prokurori i Gjykatës Penale Ndërkombëtare (GJPN) në Hagë ka hapur një hetim, pas një peticioni të paprecedentë të 39 shteteve anëtare, dhe pothuajse me siguri do të marrë mbështetjen më të madhe qeveritare.
