Deputeti i Lidhjes Demokratike të Kosovës Avdullah Hoti, ka thënë se dorëheqja e Qeverisë Kurti, është shpëtim për stabilitetin ekonomik dhe politik të vendit.
Hoti tha se performanca e dobët në ekonomi të kësaj qeverie e dëshmojnë këto të dhëna.
Ai tha se ekonomisë së Kosovës i mungojnë rreth 500 milionë euro investime kapitale.
“Kjo është arsyeja që rritja ekonomike, matur në periudha tremujore, ka qenë me trend rënës nga tremujori i dytë i vitit 2021, që është koha kur kjo qeveri ka nisur punën”, tha Hoti.
