Lionel Messi është fitues i çmimit më të madh individual që u ndahet futbollistëve për vitin 2021 – Topi i Artë.
I përfshirë në garë me konkurrentë të shumtë, renditja e njëzet prej të cilëve u publikua më herët, kurse gjatë ceremonisë u tregua edhe lista e top-10, ai arriti ta kryesonte këtë listë.
Kjo është hera e shtatë në karrierën e tij të jashtëzakonshme që superylli argjentinas e fiton këtë çmim dhe tashmë ka dy trofe më shumë se rivali i tij i përbetuar, Cristiano Ronaldo.
