Inter thuhet se ka përgatitur një ofertë të re për Romelu Lukakun pasi sulmuesi në pronësi të Chelseat refuzoi një transferim në Arabinë Saudite.
Raportimet zbuluan se sulmuesit 30-vjeçar belg iu ofrua një marrëveshje me vlerë rreth 58 milionë euro neto në sezon nga skuadra saudite Al-Hilal, të cilën ai e refuzoi menjëherë, duke pasur vetëm një klub në sy.
Lukaku nuk ka ndërmend të luajë për Chelsean sezonin e ardhshëm dhe dëshiron vetëm t’i bashkohet Interit.
La Gazzetta dello Sport detajon se si Interi ka përgatitur një ofertë të re për Lukakun, duke shpresuar të nënshkruajë sulmuesin e Chelseat në një marrëveshje huazimi prej 5 milionë eurosh me një detyrim prej 30 milionë eurosh për të blerë kartonin e tij, me shtesa të bazuara në rezultate që mund të rrisin më tej shifrat.
Nerazzurrët do të donin ta mbanin 30-vjeçarin, por pozicioni i tyre delikat financiar kufizon aftësinë e tyre për të paguar nënshkrimin e tij.
Dy vite më parë, sulmuesi belg u shit te Blutë për rreth 113 milionë euro.
