Interi ka shënuar fitore të madhe ndaj Milani me rezultat 2-0 në gjysmëfinalen e parë të Ligës së Kampionëve.
Ndeshja nisi në mënyrën më të mirë për Interin që shënoi që në start.
Zhvillohej minuta e tetë, kur Edin Dzeko gjuajti bukur nga brenda zonës pas harkimit të Hakan Calhanoglu, për të shënuar gol të bukur për 1-0.
Vetëm pas dy minutash erdhi edhe goli i dytë në këtë ndeshje.
Henrikh Mkhitaryan mori një top nga Federico Dimarco për të shënuar nga brenda zonës për 2-0.
Milani u bë i gjallë në minutën e 30-të kur Davide Calabria gjuajti jashtë porte.
Pas një minute Interi fitoi penallti, por gjyqtari pasi shikoi në VAR pa që ndërhyrja ndaj Lautaro Martinez ishte shumë e lehtë dhe e anuloi.
Në minutat e fundit të pjesës së parë Milani tentoi të bënte me shumë, por sulmet e tyre nuk ishin të rrezikshme.
Më të filluar pjesa e dytë Brahim Diaz rrezikoi, pas tij edhe Edin Dzeko, por asnjëri nuk gjeti rrjetën.
Milani rastin më të mirë e kishte në minutën e 63-të, kur Sandro Tonali goditi shtyllën.
Në kohën shtesë Tommaso Pobega gjuajti fuqishëm, por nuk arriti të ndryshojë shifrat.
Interi merr një fitore të madhe nga ndeshja e parë, duke bërë një hap të madh drejt finales.
