Ka përfunduar procesi i numërimit të votave nga diaspora, në Prizren.
Artan Abrashi, kandidati i LVV-së për kryetar të Prizrenit, ka marrë 594 vota me postë (33.30%).
Sipas të dhënave të publikuara nga Komisioni Qendror i Zgjedhjeve, ai ka vetëm 28 vota më shumë sesa kundërkandidati i tij nga PDK-ja, kryetari aktual i Komunës, Shaqir Totaj, i cili ka marrë 566 vota (31.73%).
Driton Selmanaj i LDK-së ka marrë 203 vota (11.38%).
Totaj dhe Abrashi do të garojnë për kryetar të Prizrenit në një rund të dytë votimi më 9 nëntor.
