Ministrja e Drejtësisë, Albulena Haxhiu, është akuzuar nga deputetja e AAK-së, Time Kadrijaj, lidhur me atë se janë ata që kanë djegur Institutin e Mjekësisë Ligjore.
“Ke premtuar që keni me e zbardh rastin e Astrit Deharit, pse nuk e keni zbardhur, i keni zhduk dhe i keni vjedh mostrat, e keni djeg Institutin e Mjekësisë Ligjore”, u shpreh Kadrijaj.
Për këtë, Haxhiu i ka bërë thirrje Prokurorisë për intervistimin dhe marrjen si dëshmitare të Kadrijajt, për të zbuluar se kush e ka djegur IML-në.
“Unë menjëherë i bëj thirrje Prokurorisë që menjëherë dhe pa vonesa, ta thërras si dëshmitare, deputeten Time Kadrijaj, për të treguar se kush e paska djegur Institutin e Mjekësisë Ligjore. Sepse ekspertët e zjarrit po thonë që ka qenë defekt elektrik në pajisje, ndërsa deputetja e Kuvendit të Kosovës po thotë se e keni djegur ju. Prandaj mendoj se është tejet e rëndësishme për drejtësinë që deputetja të ftohet për intervistë”, tha Haxhiu. /Gazeta Enigma
