Është lokalizuar zjarri që e kaploi lagjen “Pajtimi” në Shtime, ku u lënduan katër persona.
Lajmin e ka konfirmuar zëdhënësi i policisë për rajonin e Ferizaj, Kanun Veseli.
Më herët, i njëjti dha detaje për rastin, ku tregoi se si pasojë e shpërndarjes së shpejtë të zjarrit, katër persona morën lëndime.
“Rreth orës 14:00, në lagjen “Pajtimi”në Shtime është paraqitur një zjarr fushor, i cili për shkak të erës së fortë është përhapur me shpejtësi. Zjarri, i cili ndodhet afër shtëpive të banimit, paraqet rrezik. Deri tani është përfshirë një shtëpi e vjetër dhe një veturë. Në vendngjarje ndodhen ekipet e zjarrfikësve të Shtimes, të cilët po punojnë për shuarjen e zjarrit me ndihmën edhe të banorëve të lagjes. Deri në këtë moment është raportuar për katër persona të lënduar. Në zonën e rrezikuar ndodhet edhe një autoambulancë”.
