Zëdhënësja e Prokurorisë Themelore në Prishtinë, Laureta Ulaj, ka treguar se me urdhër të Prokurorit të Shtetit, është ndaluar një person i mitur në kohëzgjatje prej 24 orësh, për shkak të veprës penale “marrëdhënie seksuale brenda familjes”.
Rasti dyshohet se ka ndodhur në Obiliq.
“Për të njëjtin prokuroria ka parashtruar kërkesë për caktimin e masës së paraburgimit, dhe ndaj këtij rasti janë duke u ndërmarrë të gjitha veprimet hetimore, bashkë me të gjitha institucionet e tjera relevante”, tha Ulaj në Info Magazine të Klan Kosova.
