Kryetari i Kuvendit të Kosovës, Glauk Konjufca, në koordinim me ministren e Drejtësisë, Albulena Haxhiu, i është drejtuar sërish Komisionit të Venecias për çështjen e Projektligjit për Byronë Shtetërore për Konfiskimin e Pasurisë.
Kërkesa në fjalë ka të bëj në lidhje me verifikimin e amandamenteve, nëse janë adresuar të gjitha rekomandimet e tyre për këtë projektligj.
Postimi i plotë i Konjufcës:
Pas përfundimit të punës së Grupit Punues në Projektligjin për Byronë Shtetërore për Konfiskimin e Pasurisë së Pajustifikueshme, në koordinim me Ministren e Drejtësisë, dje i jam drejtuar sërish Komisionit të Venecias, me kërkesën për verifikimin e amendamenteve, nëse janë adresuar të gjitha rekomandimet e tyre lidhur me këtë Projektligj.
Falënderoj secilin anëtar të Grupit Punues për përkushtimin dhe punën në këtë nismë të rëndësishme, me qëllim të luftimit të krimit të organizuar dhe korrupsionit.
