(I plotësuar) Kryetari i Kuvendit të Kosovës, Glauk Konjfuca, derisa ka dërguar vajzën e tij në njërën nga shkollat në Prishtinës, ka komentuar edhe çështjen e librave, për të cilat prindërit po thonë se iu janë shkaktuar shumë telashe.
Konjufca është shprehur se forma e aplikimit nuk ka qenë e vështirë por për disa prindër ka mundur të jetë e vështirë.
“Mendoj që ka edhe dy ditë kohë, mendoj që javën e ardhshme gjithë do të jen të pajisur..Jo ma merr mendja që mund të rregullohet që fëmijët me fillimin e vitit t’i kenë tekstet, kësaj radhë ndodhi kështu, ma merr menja që mund të përmirësohet….Ka mundur të jetë i vonshëm….Ka qenë në formë të aplikacionit, nuk ka qenë e vështirë, ndoshta për ndonjë prind ka mundur të jetë e vështirë” tha Konjufca, duke shtuar se ndihet i gëzuar që po sjellë vajzën e tij në shkollë.
Ndërsa, bashkëshortja e tij, Emira Bajçinca shtoi se nuk ka pasur probleme për aplikimin e librave, por shtoi se kjo kohë ka pasur fluks të prindërve të cilët kanë aplikuar për libra, njofton KP.
Përndryshe, MASHTI ka ndryshuar formën e dhënies së librave për nxënësit të cilët vite më parë nëpërmjet një tenderi të shpallur nga ministria, furnizoheshin shkollat e më pas nxënësit. Kurse, në këtë vit ka vendosur që nëpërmjet aplikimeve t’i jap prindërve nga 80 euro për blerjen e librave për nxënësit.
