Vendi do të garojë me CS:GO dhe Dota2, tha në postime në fb në faqen e komunitetit të lojtarëve të këtyre lloje sportesh, shkruan Gazeta Enigma.
Kosova do të marrë pjesë në kampionatin e lojërave ‘online’, ‘World Championship IESF 13’ që do të mbahet në Izrael.
Vendi do të përfaqësohet nga dy ekipe, njëri prej tyre që do të garojë në lojën CS:GO dhe ekipi tjetër në Dota2.
Lajmin e ka bërë të ditur komuniteti i ‘gamerave’, XPortalEsports, përmes një postimi në Facebook.
Kosova në Izrael me dy ekipe në kampionatin botëror. Kemi marrë lajmin që Kosova në CS:GO dhe Dota2 do të luaj në…Posted by Federata Esports Kosova on E mërkurë, 27 tetor 2021
Sipas këtij statusi, komuniteti thotë se pjesëmarrja e tyre ishte konfirmuar nga Izraeli dhe nga vetë kampionati, dhe se ekipet do të nisen më 14 nëntor.
Ndeshjet e para ekipi do t’i zhvillojë më 16 nëntor në Main Event, sipas komunitetit.
Ministria e Kulturës, Rinisë dhe Sportit ka mbështetur financiarisht shpenzimet e të gjithë lojtarëve, shkruan Gazeta Enigma.
