Futbollisti Leon Avdullahu ka zgjdhur përfundimisht që ta përfaqësojë Kosovën në arenën ndërkombëtare.
Lajmin e bëri të ditur kryetari i FFK-së, Agim Ademi, duke thënë se “Leoni është i Kosovës”.
“Ndjej kënaqësi të ndaj me ju lajmin e madh se Leon Avdullahu, i udhëhequr nga zemra e tij, ka vendosur që të luaj për Kombëtaren e Kosovës. Leoni më njoftoi sonte për vendimin e madh, që pason takimin që kishim pak kohë më parë kur edhe i kishim diskutuar të gjitha gjërat”, shkroi Ademi.
“Leoni me këtë vendim dëshmoi edhe një herë fuqishëm që Kosova mbetet zgjedhje zemre dhe se identiteti e prejardhja nuk mohohen”.
“Mirë se vjen Leon, le të nisim së bashku një rrugë të gjatë e të suksesshme për ekipin kombëtar të Kosovës dhe për Ty”, u shpreh më tutje kryetari i FFK-së.
