Kombëtarja e Kosovës zhvillon sonte një ndeshje shumë të rëndësishme për vendin e parë në Grupin 2 të Ligës C të Ligës së Kombeve.
“Dardanët” udhëtojnë për të sfiduar Rumaninë në Bukuresht, pas një periudhe të shkëlqyer formash, shkruan Gazeta Enigma.
Pas humbjes 0:3 ndaj rumunëve në “Fadil Vokrri”, Kosova ka arritur të fitojë tri ndeshje radhazi dhe hyn në këtë përballje me besim dhe motivim maksimal.
Për të shpresuar për kreun e grupit, Kosova ka nevojë për fitore të thellë – me tre gola ose më shumë, ndërsa Rumania, e cila ka fituar të katër ndeshjet e para, kërkon vetëm një pikë për të siguruar pozitat e para dhe kalimin në Ligën B.
Atmosfera në kampin dardan është mjaft e mirë dhe pritet që skuadra të japë një performancë të shkëlqyer në këtë duel të fortë.
Pas përballjes me Rumaninë, Kosova do të ndeshet me Lituaninë më 18 nëntor në Prishtinë, në ndeshjen e fundit të këtij edicioni të Ligës së Kombeve./GAZETAENIGMA/
