Kryeministri i Kosovës, Albin Kurti ka prezantuar programin qeverisës, të miratuar ditë më parë në njërën nga mbledhjet e Qeverisë së Kosovës, raporton Gazeta Enigma.
Qysh në fillim të fjalimit, kryeministria Kurti tha se priorirtet i këtij programi është menaxhimi i pandemisë.
“Sot janë bërë 55 ditë nga marrja e detyrës së Qeverisë. Në këto ditë kemi bërë shumë punë, siç e kemi thënë edhe në program prioritet është menaxhimi i pandemisë. Kemi bërë një plan për të bërë këtë menaxhim. Masat të cilat i kemi marrë ishin efektive”, tha Kurti ndër të tjera.
Kurti theksoi se kur e kanë marrë detyrën, nuk kanë gjetur asnjë kontratë për asnjë vaksinë, ndërsa tha se deri në fund të muajit Kosova do të marrë edhe 142 mijë vaksina të reja.
“Ne kur erdhëm nuk gjetëm asnjë kontratë për sigurimin e vaksinave. Deri në fund të muajit do t’i kemi 142 mijë vaksina të reja”, tha Kurti.
