Në Ditën Botërore të Ndërgjegjësimit për Autizmin, kryeministri i Kosovës Albin Kurti ka bërë një deklarim përmes platformës Twitter. Ai ka premtuar më shumë përkujdesje në të ardhmen për këtë kategori të qytetarëve.
Ai ka thënë se sot, edhe në qeveri janë vënë fjongot e kaltra për të njohur dhe nderuar talentet unike të njerëzve me autizëm.
“Për Ditën Botërore të Ndërgjegjësimit për Autizmin, ne vendosëm fjongot e kaltra për të njohur dhe nderuar talentet dhe aftësitë unike të njerëzve me autizëm”, ka shkruar Kurti.
Ai ka premtuar më shumë ndihmë profesionale për realizimin e potencialeve të autikëve.
“Me buxhetin e rritur për kujdestarët profesionalë në fushën e edukimit, ne do të ofrojmë më shumë mbështetje për realizimin e potencialit të tyre”, ka shkruar kryeministri Kurti.
For World Autism Awareness Day we tied blue ribbons on gov. stairs to recognize & honor the unique talents & abilities of people with autism.
W/ increased budgets for professional caregivers in education we'll offer more support to realize their potential.#AutismAcceptanceMonth pic.twitter.com/2Cl06Z9yFK— Albin Kurti (@albinkurti) April 2, 2022
