Kryeministri Albin Kurti, në gjuhën serbe ka ripërsëritur thirrjet për banorët serbë që të konvertojnë targat nga “KM” në “RKS”.
“Nga sot deri më 31 tetor, përgjatë 61 ditëve në 34 qendra të Regjistrimit të Automjeteve po rihapim dritaren e mundësisë për të konvertuar tabelat e regjistrimit të veturave ne ato të Republikës sonë të përbashkët”, ka thënë Kurti në një video të shpërndarë në Facebook.
“Konvertimi dhe regjistrimi i automjeteve me targa “RKS” i shërben rendit publik, ligjit dhe sigurisë”, u shpreh ai.
I pari i Qeverisë tha se targat e lëshuara nga Serbia me shkurtesat e qyteteve kosovare janë trashëgimi e regjimit të Millosheviqit.
“Kjo trashëgimi është barrë që nuk do të duhej ta mbani ju. Përveç kësaj, ajo po synon të ju mbajë në të kaluarën dhe të izoluar”, deklaroi kryeministri.
Më poshtë mund ta ndiqni videon e plotë.
