Kryeministri Albin Kurti, ka marrë pjesë në Forumin Ekonomik Botëror në Davos.
Atje ai ka takuar një grup investitorësh strategjikë. Në takim kryeministri shoqërohej nga ministrja e Ekonomisë, Artane Rizvanolli.
Ky takim ishte i fokusuar në investimet në energji.
Kurti theksoi se Kosova po investon në vazhdimësi, që të arrijë sa më shumë pavarësi e siguri energjetike.
Tutje ai shtoi se Strategjia e Energjisë e Republikës së Kosovës 2022-2031, është thelbësore dhe qëndron si pikë kyçe e avancimit energjetik të vendit dhe tranzicionit të drejtë, drejt energjisë së ripërtëritshme. Kryeministri Kurti i ftoi grupin e investitorëve që të investojnë në Kosovë e të shfrytëzojnë kushtet e favorshme për investim e veçanërisht në sektorin e energjisë, që mbetet sektor kyç për zhvillimin e vendit. /Gazeta Enigma
