Kryeministri i Kosovës, Albin Kurti ka njoftuar se e ka zhvilluar sot një bisedë telefonike me Këshilltarin e Departamentit Amerikan të Shtetit, Derek Chollet, ku është diskutuar për agjendën e nesërme të takimit me presidentin serb, Aleksandar Vuçiq.
Kurti, në njoftimin e shkurtër ka bërë të ditur se gjatë bisedës me Chollet, ka theksuar rëndësinë e implementimit të Marrëveshjes Bazë dhe të Ankesit në tërësinë e tyre dhe në mirëbesim.
“Gjithashtu, e falënderova atë për mbështetjen amerikane”, ka shkruar Kurti.
