Pak më parë u raportua për arrestimin e një personi të dyshuar për “Keqpërdorim dhe mashtrim në prokurim publik”.
I dyshuari është Liman Buzuku, drejtor i kompanisë “MATKOS PHARM SH.P.K”.
Ai dyshohet se ka falsifikuar dokumentacionin kur kishte aplikuar për një tender në Komunën e Drenasit, më 5 maj të këtij viti.
Po ashtu, këto burime i thanë Sinjalit se ky nuk është rasti i vetëm në të cilin dyshohet se ka mashtruar Buzuku.
Ai po ashtu dyshohet se ka manipuluar, duke falsifikuar dokumentacionin edhe në tenderë të Komunës së Suharekës, atë të Prizrenit dhe në Shërbimin Spitalor Klinik Universitar të Kosovës.
Pas intervistimit, me vendim të prokurorit, Buzuku është ndaluar për 48 orë./Gazeta Enigma/
