Ky është personi që u qëllua me armë zjarri sot në Prishtinë

Ky është personi që u qëllua me armë zjarri sot në Prishtinë

Të shtëna me armë janë dëgjuar sot në rrugën “Bedri Shala” në Prishtinë, ku një person ka mbetur i plagosur. Lajmin e ka konfirmuar Policia, teksa akoma nuk dihet nëse janë kapur personat e përfshirë në incident.



Sinjali ka mësuar  se personi që u plagos me armë zjarri është Pajtim Gashi, i cili dyshohet se fillimisht është sulmuar në kokë e pastaj është qëlluar në këmbë.

Lajmin e ka konfirmuar  për Gazetën Enigma edhe zëdhënësja e Policisë Rajonale në Prishtinë, Flora Ahmeti, e cila tha se Policia ka intervenuar dhe po ndërmerren veprimet e nevojshme hetimore.

“Rreth orës 10:00, policia ka marrë informatën për të shtëna me armë në rrugën “Bedri Shala” në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në informacionet e para raportohet për një person të lënduar, i cili dyshohet të ketë marrë lëndime nga arma e zjarrit. Hetuesit policor në koordinim me prokurorinë, ndërmarrin veprimet hetimore për ndriçimin e plotë të rastit”, tha Ahmeti.

Related Articles