Ministri i Jashtëm i Rusisë, Sergei Lavrov, ka thënë se dëshiron të shohë një fund të shpejtë të luftës në Ukrainë.
Duke folur në një konferencë shtypi me homologun e tij brazilian Mauro Vieira, Lavrov tha se Moska është e interesuar që konflikti të përfundojë sa më shpejt të jetë e mundur.
Ai falënderoi gjithashtu Brazilin për “kuptimin e gjenezës së situatës në Ukrainë”.
“Ne kemi shpjeguar tashmë në detaje arsyet për atë që po ndodh dhe qëllimet që po ndjekim”, tha Lavrov, shkruan Skynews.
Rusia ka përsëritur shpesh se çdo fund i konfliktit duhet të pranojë “realitete” të reja politike, duke përfshirë njohjen e katër zonave të Ukrainës që aneksoi në një lëvizje të konsideruar të paligjshme nga Kievi.
