Ka përfunduar mbledhja e Kryesisë së Lidhjes Demokratike të Kosovës.
Besian Mustafa i Lidhjes Demokratike të Kosovës, ka dalë në konferencë për media, pas mbledhjes së Kryesisë së partisë, që zgjati mbi 4 orë.
Mustafa njoftoi se Kuvendi i partisë do të mbahet më 31 janar, ku lideri Lumir Abdixhiku, do të ofrojë dorëheqjen e tij.
“Pati një diskutim gati 4 orë, i hapur dhe demokratik, duke shtjerrë debatin në secilën pikë të mundshme. Kuvendi do të mbahet më 31 janar, ku kryetari Abdixhiku do të ofrojë dorëheqjen e tij. Kryetari i partisë do të kërkojë votë të votëbesimit, do vendoset për kërkesën e tij. Neni 27 i statutit të LDK-se, e thotë qe e ka këtë mundësi.” – tha Mustafa.
