Sami Lushtakut i është pamundësuar që të garojë në zgjedhjet e 17 tetorit për kryetar të Skenderajt.
Lajmin e kanë bërë të ditur burime të Kohës brenda PDK-së.
Gjykata Supreme e Kosovës ia ka vërtetuar dënimin Lushtakut për arratisje nga Burgu i Dubravës. Lushtaku ishte shpallur fajtor për arratisje më 21 gusht dhe 22 shtator të vitit 2015, gjatë kohës ku po vuante dënimin prej 12 vjetëve burgim për krime lufte në rastin “Drenica”.
Ai me vendimin e Gjykatës Themelore të Prishtinës në prill të vitit 2020 është dënuar me gjobë 12 mijë.
LEXO EDHE: Sami Lushtaku mohon se është tërhequr nga gara për zgjedhje lokale
Pasi vendimi është bërë i plotfuqishëm, Lushtakut i është pamundësuar të kandidojë nga KQZ-ja.
Ndërkohë, të martën Lushtaku u pyet nëse është tërhequr nga gara për zgjedhje lokale, ku u përgjigj shkurt se nuk është tërhequr.
