Sulmuesi francez ka siguruar se nuk do të largohet nga Paris Saint-Germaini gjatë janarit
Kylian Mbappe do të qëndrojë në Paris Saint-Germain së paku deri në fund të sezonit.
Sulmuesi francez është objektiv i Real Madridit dhe spekulohej se ai mund t’i bashkohet klubit spanjoll qysh në janar.
Flitej se PSG-ja mund ta shesë lojtarin muajin tjetër, për të mos e humbur pa para verën tjetër.
Kjo pasi kampioni i botës me Francën ka hyrë në gjashtë muajt e fundit të kontratës.
Sidoqoftë, ish-futbollisti i Monacos ka konfirmuar se nuk do të largohet në afatin kalimtar të janarit.
Gjithashtu, ai shpreson që ta fitojë Ligën e Kampionëve me klubin francez.
Nëse nuk e vazhdon kontratën me parisienët, 23 vjeçari mund të transferohet në Madrid gjatë verës që vjen.
PSG-ja nga ana e saj po e bën të pamundurën që ta bindë atë që ta vazhdojë kontratën.
