Gjatë së hënës është bërë e ditur se ylli i muzikës pop, Bebe Rexha do të performojë në festivalin që për organizatore ka këngëtarën e njohur botërore Dua Lipa dhe babanë e saj.
E ky njoftim ka marrë vëmendjen e mediave të huaja, shkruan Gazeta Enigma.
Radio “movin925” në një artikull ka shkruar për artistet me origjinë shqiptare duke e titulluar kështu: Bashkohen vajzat shqiptare! Bebe Rexha, ylli kryesor i festivalit të Dua Lipës.
Përveç Bebe Rexhës e cila do të performojë për herë të parë në Prishtinë, në skenën e këtij festivali pritet të ngjiten edhe emra tjerë të njohur të muzikës botërore si Burna Boy, DJ Snake, Stormzy. /Gazeta Enigma
