Në Beograd, duket se ka gëzim për fitoren e Donald Trump, aq sa një kafene në kryeqytetin serb ka zgjedhur të ironizojë edhe Albin Kurtin përmes Trumpit.
Kafeneja ka vendosur një poster të Donald Trumpit në madhësi reale përpara hyrjes së lokalit.
Aty pronarët kanë shtuar një ftesë për të gjithë ata që bëjnë fotografi pranë posterit, që të etiketojnë në rrjetet sociale kryeministrin e Kosovës, Albin Kurti.
“Një person i shëndoshë ka 1000 dëshira, e i sëmuri vetëm një, të dalë në fotografi me Trumpin në përmasa reale. Ejani të bëni foto dhe bëjini tag bashkëqytetarit tonë”, thuhet në postimin e bërë në Instagram nga kafeneja në fjalë.