Një vajzë ka rënë sot rreth orës 11:15 në lumin Bistrica në Pejë.
E njëjta është shpëtuar nga qytetarët dhe është dërguar në Spitalin Rajonal të Pejës.
Lajmin për Gazetën Enigma e ka konfirmuar zëdhënësi i Policisë së Kosovës për rajonin e Pejës, Driton Rugova, i cili tha se viktima është jashtë rrezikut për jetë.
“Rreth orës 11:15, policia është njoftuar se tek ish-tregu i gjelbër një vajzë ka rënë në lum. Personi në fjalë është nxjerrë nga qytetarët dhe është dërguar në Spitalin e Pejës, por është jashtë rrezikut për jetën”, tha Rugova.
Ai shtoi se njësitet policore po merren me rastin.
