“Nuk ka rëndësi”, Rusia reagon pas urdhërarrestit të GJNP-së për Putinin

“Nuk ka rëndësi”, Rusia reagon pas urdhërarrestit të GJNP-së për Putinin

Rusia i ka mohuar vazhdimisht akuzat për mizori gjatë pushtimit të Ukrainës. Kremlini gjithashtu ka thënë se nuk e njeh juridiksionin e Gjykatës Ndërkombëtare Penale dhe thotë se nuk mban asnjë detyrim sipas saj, raporton Gazeta Enigma.



Duke iu përgjigjur urdhërarrestit kundër presidentit rus Vladimir Putin, një zëdhënëse e Ministrisë së Jashtme ruse ka thënë se urdhri “nuk ka asnjë rëndësi”.

“Vendimet e Gjykatës Ndërkombëtare Penale nuk kanë asnjë kuptim për vendin tonë, përfshirë edhe nga pikëpamja juridike”, ka thënë zëdhënësja Maria Zakharova në kanalin e saj Telegram.

“Rusia nuk është palë e Statutit të Romës të Gjykatës Ndërkombëtare Penale dhe nuk ka asnjë detyrim sipas tij. Rusia nuk bashkëpunon me këtë organ dhe ‘recetat’ e mundshme për arrestim që vijnë nga Gjykata Ndërkombëtare do të jenë ligjërisht të pavlefshme për ne”, ka thënë ajo.

Related Articles