Astrit Selmani shënoi gol në fitoren e thellë 4:1 të ekipit të vet Hammarby kundër Degerfors të dielën, i cili ishte i pari për sulmuesin kosovar në ligën elitare suedeze që prej muajit gusht.
Përfaqësuesi i Kosovës Selmani e realizoi golin e dytë të ekipit, kur e mposhti portierin nga penalltia, duke i ndihmuar Hammarby të mbetet në garë për kreun e tabelës.
Hammarby është në vendin e pestë në tabelën e Allsvenskan me 49 pikë nga 28 ndeshje, gjashtë më pak se liderja Malmo dhe tri më pak se vendi i tretë, i fundit që dërgon në kualifikime për garat evropiane.
Straff till Hammarby efter den här situationen pic.twitter.com/B264nq6KDe— discovery+ sport ???????? (@dplus_sportSE) November 21, 2021
24-vjeçari kishte 10 ndeshje radhazi pa shënuar gol në ligë, megjithëse në dy prej tyre mungoi shkaku i një tronditjeje që e kishte pësuar në kokë dhe në një tjetër për shkak të pezullimit me kartonë.
Hera e fundit kur ai kishte shënuar gol në ligë dhe në të gjitha garat në përgjithësi ishte në fitoren 2:1 kundër Malmos më 29 gusht.
Selmani – i cili debutoi për Kosovën në humbjen kundër Suedisë në një ndeshje kualifikuese për Kupën e Botës 2022 në shtator – ende nuk e ka gjetur golin me ekipin kombëtar.vPor ai i ka zhvilluar vetëm 34 minuta futboll për verdhekaltrit deri tani.
