Ndonëse erdhën në pushtet me fjalët e mëdha kundër punësimeve me të njofshëm dhe atyre nepotike, pushteti i Vetëvendosjes po vazhdon rehatimin e miqve të drejtuesve të partisë.
Personazhi tashmë i njohur për publikun, frizeri Armend Gashi është kthyer në figurë me ndikim në Vetëvendosje për shkak të zanatit të tij.
Pasi atij iu punësua bashkëshortja në një pozitë të rëndësishme në Ministrinë e Drejtësisë që udhëhiqet nga Albulena Haxhiu, Demokracia ka zbuluar se edhe vetë frizeri i Albin Kurtit, Albulena Haxhiut dhe figurave të tjera të Vetëvendosjes, u punësua në Qendrën e Kompetencës “Shtjefën Gjeçovi”, si profesor i floktarisë, në një konkurs të shpallur nga ministria e Nagavcit.
Se frizeri Armend Gashi punon në “Shtejfën Gjeçovi”, këtë për Demokracia.com e ka konfirmuar edhe drejtori i kësaj qendre, Blerim Gërvalla.
“Po, është punësuar gati që 6-7 muaj diçka…, si instruktor i profilit të floktarisë”, ka konfirmuar Gërvalla.
