Ka përfunduar vazhdimi i seancës gjyqësore ndaj Salih Mustafës në Gjykatën Speciale në Hagë.
Gjykatësja njoftoi se të mërkurën në mëngjes do të vazhdojë sërish dëshmia e dëshmitarit të pestë në rastin kundër Salih Mustafës.
Dëshmitari do të merret të mërkurën në pyetje nga trupi gjykues.
Ish-eprori i Ushtrisë Çlirimtare të Kosovës përpos që ishte i arrestuari i parë i Gjykatës Speciale ishte edhe i pari ndaj të cilit në Dhomat e Specializuara në Hagë nisën gjykimin.
Mustafa akuzohet se gjatë prillit të vitit 1999 kreu krime lufte në një qendër ndalimi në Zllash, në afërsi të Prishtinës, por ai ka mohuar gjithçka që gjendet në aktakuzë duke u deklaruar i pafajshëm. /Gazeta “Enigma”/
