Ende është duke vazhduar përhapja e zjarrit në fshatin Cërrnushë të komunës së Mitrovicës.
Zjarri më i madh është ai në malet e fshatit Zasellë, më saktësisht në Kodrën e Cërrnushës.
Kujtojmë se disa fshatra në Mitrovicën e Jugut janë kapluar nga zjarri, për shkak të temperaturave shumë të larta që po mbretërojnë në Kosovë.
Fexhrije Pllana, zëdhënëse e Policisë së Kosovës për rajonin e Mitrovicës së Jugut për Gazetën Enigma ka deklaruar se sot është raportuar për një zjarr në fshatin Cërnushë.
“Sot rreth orës 15:08 është raportuar për një zjarr në fshatin Cërnushë. Zjarri është përhapur në fshatin Kqiq, te pishat dhe fshatin Zasellë. Njësitë policore, zjarrfikësit, FSK dhe zjarrfikësit e KFOR-i janë në vendngjarje duke u munduar ta lokalizojnë zjarrin dhe ne rast nevoje edhe evakuimin e banoreve”./Gazeta Enigma/
