Dueli ndërmjet Ballkanit dhe Dritës ishte njëri ndër më interesantët e këtij edicioni.
Rezultati i barabartë (2-2) dhe golat krejt në fundin e ndeshjes sollën jo pak tension në stolet e dy skuadrave, shkruan Gazeta “Enigma”.
Pas përfundimit të ndeshjes në tunelin që dërgon në dhomat e zhveshjes ndodhi një incident, me ç’rast kishte patur edhe konfrontime fizike.
Drita u lëshua në akuza ndaj Ballkanit për dhunë fizike, ndërkohë që këta të fundit u mohuan kategorikisht ato.
Megjithë, Komisioni i Garave ka futur në disiplinë tre zyrtarët e Ballkanit, Idriz Hajrizi, Ardi Kabashi e Labinot Qosja, ndërkohë që te Drita e ka futur trajnerin Zekirija Ramadani.
Në mediat vendore ishin publikuar edhe disa pamje nga ky konflikt verbal e fizik. /Gazeta Enigma/
